Miss Card 卡小姐

HSBC Red Card 主打 4% 網購回贈，但好多人碌完先發現「點解我筆網上簽賬只有 0.4%？」。原因係 Red 卡對「合資格網上簽賬」有清晰定義，而且每月有上限。呢篇幫你一文睇清回贈上限、4% 點先計，以及邊啲交易其實唔計，等你唔好白白蝕咗回贈。

HSBC Red 卡回贈率與每月上限一覽

簽賬類別	回贈率	每月上限	超出上限後
合資格網上簽賬	4%「獎賞錢」	首 HK$10,000（即 $400 RC）	0.4%（無上限）
指定商戶簽賬	8%「獎賞錢」	首 HK$1,250（即 $100 RC）	0.4%（無上限）
其他本地及海外簽賬	0.4%「獎賞錢」	無上限	—

計一計：每月網購簽滿 HK$10,000，就攞足 $400「獎賞錢」；指定商戶簽滿 HK$1,250 攞 $100。兩個額度獨立計算，可以同月各自賺盡。

📌 延伸閱讀：滙豐 Red 信用卡完整評測｜指定商戶 8% 獎賞錢懶人包

「網上簽賬」點先計 4%？

「合資格網上簽賬」一般指喺商戶網站／App 用 Red 卡進行嘅零售網上購物，無論本地定海外網站、港幣定外幣簽賬都計 4%。常見例子：

• 淘寶、Amazon、Gmarket 等網購平台買嘢
• 本地網店、外賣 App、訂閱服務嘅零售網上簽賬
• 用 Red 卡喺商戶網站直接付款（非經電子錢包中轉）

📌 延伸閱讀：HSBC 信用卡網購優惠攻略：Red 卡 4% 點玩盡

邊啲網上簽賬唔計 4%？

以下交易唔當合資格網上簽賬，只有 0.4% 基本回贈或零回贈：

• 網上繳費（e-banking）
• 保費簽賬
• 證券買賣簽賬
• 以電子錢包（支付寶 HK、WeChat Pay HK 等）進行的簽賬或增值
• 繳付租金／物業管理費簽賬
• 廣告服務之簽賬

重點：用電子錢包中轉付款係常見伏位。想賺 4%，就直接用 Red 卡喺商戶網站付款，唔好經支付寶／WeChat Pay。

交稅、交保費、電子錢包回贈點計？

• 網上繳費（e-banking）：每月結單週期首 HK$10,000 繳費可享 0.4%「獎賞錢」，但繳稅及保費除外（即交稅、交保費一般零回贈）
• 八達通自動增值：可享 0.4%「獎賞錢」
• 電子錢包增值：增值 PayMe／支付寶／WeChat Pay 一般唔計 4% 或 8%，只有 0.4% 或零回贈

📌 延伸閱讀：滙豐 Red 信用卡好唔好？優缺點全評測｜Red 卡迎新優惠達標教學｜Red 卡海外簽賬手續費攻略

📌 Red 卡進階攻略：淘寶 4% 教學｜電子錢包／手機支付回贈｜繳費／交稅／交保費回贈｜附屬卡額度翻倍

HSBC Red 卡回贈上限 FAQ

HSBC Red 卡 4% 網購回贈每月上限係幾多？

每個曆月首 HK$10,000 合資格網上簽賬可享 4%「獎賞錢」，即每月最多賺 $400 RC，其後網上簽賬為無上限 0.4%。

用 Red 卡交稅有冇回贈？

一般冇。網上繳費首 HK$10,000 雖有 0.4%「獎賞錢」，但繳稅及保費明確除外，通常零回贈。

用支付寶或 WeChat Pay 碌 Red 卡有冇 4%？

冇。以電子錢包進行的簽賬或增值不當合資格網上簽賬，只有 0.4% 或零回贈。想賺 4% 請直接用 Red 卡喺商戶網站付款。

超出每月上限後點計？

網上簽賬超過 HK$10,000、指定商戶超過 HK$1,250 後，超出部分一律為無上限 0.4%「獎賞錢」。