香港網店收款方法，一句講晒：FPS 轉數快入公司戶口最平（收款通常 $0），電子錢包約 1%–1.5%（PayMe for Business 1.2%、商用版八達通 App 1.5%、WeChat Pay 經收款平台 1.00% + 港幣 $2.00），信用卡就要 3.3%–3.9% 再加每筆港幣 $2.35，PayPal 本地交易 3.90% + 港幣 $2.35 係最貴嗰級。想信用卡、轉數快、WeChat Pay、支付寶一個後台收齊，可以經 Airwallex 免費開公司戶口，本地卡收單 3.30% + 港幣 $2.35，戶口本身冇月費、冇最低結餘。
卡小姐今次將信用卡、FPS、八達通、AlipayHK／WeChat Pay／PayMe、PayPal 同貨到付款 6 大類收款方法逐項對過官方收費頁，整理成一張總表，再用一間每月營業額港幣 $50,000 嘅網店計一次「全收信用卡」同「混合收款」差幾多。所有數字以撰文時官方頁面為準，各平台隨時會調整，開通前記得再睇一次官方最新版本。
💼 Airwallex 公司戶口：免開戶費、免最低結餘
經 Miss Card 卡小姐專屬申請連結 網上免費申請 Airwallex 企業帳戶，一個戶口集中管理多種貨幣、換匯同跨境匯款👇
👉 立即免費申請公司戶口- 🏦 香港企業帳戶不設開戶費，亦冇最低結餘要求
- 🌏 開立本地貨幣帳戶，收取超過 20 種貨幣款項
- 💱 按銀行同業匯率換匯，向超過 150 個國家／地區轉帳
- 💳 一開戶即可免費開立雲匯 Visa 公司卡，0% 海外簽帳手續費
- 🔗 可同步 Xero 等會計軟件
⚠️ 申請時請關掉 AdBlocker、避免無痕模式，以免影響連結追蹤。
👉 經 Miss Card 連結免費開戶📌 優惠及條款會不定期更新，一切以官方申請頁面最新顯示為準。
網店收款方法一覽：6 大類手續費一表睇晒
先睇總表。下面每個數字都係各平台官方收費頁嘅標準收費，冇計限時推廣：
| 收款方法 | 標準手續費（官方） | 特點 | 適合 |
|---|---|---|---|
| 信用卡（Airwallex 收單） | 本地卡 3.30% + 港幣 $2.35；國際卡 3.60% + 港幣 $2.35 | Visa、Mastercard、AE、銀聯、Apple Pay、Google Pay 一次過開通 | 想收海外客、想有正式結帳頁 |
| 信用卡（Shopify Payments，Basic 方案） | 線上 3.3% + 港幣 $2.35；國際 3.9% + 港幣 $2.35 | 唔用 Shopify Payments、改用 Airwallex、Stripe 等第三方閘道，要另付 2% 交易費 | 已經用 Shopify 開店 |
| FPS 轉數快（入公司戶口） | 一般轉帳收款：大部分銀行同 Aspire $0（Airwallex 官方冇另列收款費）；商戶 QR 收款功能可能另計 | 即時到帳，但要人手對數 | 本地客、細單、IG／WhatsApp 落單 |
| 商用版八達通 App | 非交通行業 1.5% 銀行賬戶資金轉賬費（最少港幣 $1） | 可出收款二維碼同付款連結，收款可即時轉去銀行 | 本地客、細額、街坊生意 |
| PayMe for Business | App 收款 1.2%；API／POS 1.5% | 要有滙豐商務「網上理財」，轉賬去銀行免費 | 本地年輕客群 |
| WeChat Pay／支付寶（經 Airwallex） | 港幣 $2.00 + 付款方式手續費（WeChat Pay 1.00%） | 覆蓋內地同香港錢包用戶 | 內地客、大灣區客 |
| PayPal | 本地 3.90% + 港幣 $2.35；國際另加 0.50% | 提款去本地銀行港幣 $1,000 或以上免費 | 海外買家、指定要用 PayPal 付款嘅客 |
| 貨到付款 | 速遞公司代收服務費（按合約報價） | 客人最放心，但有拒收風險 | 高單價、第一次幫襯嘅客 |
簡單嚟講：收費由平到貴大概係 FPS（$0）→ 電子錢包（1%–1.5%）→ 信用卡（3.3%–3.9% + 固定費）→ PayPal（3.9%–4.4% + 固定費）。不過最平唔等於最啱，信用卡同 PayPal 貴，係因為佢哋幫你處理結帳、防詐騙同海外客；FPS 免費，代價係你要自己對數。下面逐種拆。
信用卡收款：3.3%–3.9% 再加每筆港幣 $2.35
信用卡係網店最基本嘅收款方法，因為海外客、公司客同想賺里數嘅客都會用卡。香港網店收卡一般有兩條路：用網店平台自帶嘅收款（例如 Shopify Payments），或者自己駁一個收款閘道（例如 Airwallex、PayPal、Stripe）。
以 Airwallex 香港官方定價頁為例，本地卡（Visa、Mastercard、美國運通、Apple Pay、Google Pay）每筆 3.30% + 港幣 $2.35，國際卡 3.60% + 港幣 $2.35。費用表另外列明：如果客人用外幣付款而你要換返港幣結算，會再收 2.00% 換匯費；選擇用同一種外幣結算就係 1.00% 外幣結算費；每宗退款收港幣 $2.35；拒付（chargeback）每宗港幣 $140 起。
Shopify 方面，香港 Shopify 定價頁列明 Basic 方案（年繳每月港幣 $229）線上卡費率 3.3% + 港幣 $2.35、國際卡 3.9% + 港幣 $2.35，Grow 同 Advanced 方案低至 3.2% 同 3.1%。要留意：如果唔用 Shopify Payments、改用第三方閘道，Basic 方案每單要另付 2% 第三方交易費（Grow 1%、Advanced 0.6%）。另一個常見選擇 Stripe 香港定價頁列明本地卡 3.4% + 港幣 $2.35，國際卡另加 0.5%、要換匯再加 2%；Alipay、WeChat Pay 就係 2.2% + 港幣 $2.00。各閘道嘅詳細比較（結算時間、換匯、拒付）卡小姐另外寫咗Airwallex vs Shopify Payments vs PayPal vs Stripe 網店收款手續費比較，呢度唔重複。
點樣申請？Airwallex 嘅收單係開咗公司戶口之後，喺 WebApp「Payments」度另外申請，可以出付款連結（唔使寫 code）、或者裝 Shopify／WooCommerce 外掛。整套收費同月費方案可以睇 Airwallex 收費全拆解；未有戶口可以先經 Airwallex 申請連結開戶。
FPS 轉數快收款：手續費最平，但要人手對數
對香港本地客嚟講，FPS 轉數快幾乎係人人都識用。商戶收 FPS 有兩種做法：
- 直接叫客人過數入公司戶口：滙豐、恒生、中銀、渣打、星展等傳統銀行，同 ZA Bank、livi 等虛擬銀行，一般 FPS 轉帳收款都係豁免收費（要留意：如果開通銀行嘅「商戶收款」功能就可能另計，例如 ZA Bank 商戶繳費收交易金額 0.6%）；Aspire 公司戶口 FPS 收付全免，Airwallex 官方亦冇另列 FPS 收款費。即係每單成本 $0。
- 經收款平台出 FPS 二維碼：例如 Airwallex 收單嘅「本地支付方式」，每筆港幣 $2.00 再加付款方式手續費，好處係系統自動對單、訂單自動標示已付款。
直接過數最大嘅問題係對數：客人過完數要截圖，你要逐張對金額同訂單號。一日 5 單仲應付到，一日 50 單就好易漏單。另外要知：Aspire 嘅 FPS 收款只可以用戶口號碼（銀行編號 016），唔支援手機號碼、電郵或者 FPS ID；Airwallex 港元收款亦係用銀行代碼加戶口號碼。如果你習慣叫客人「轉數快打電話號碼」，就要改用戶口號碼收款，或者用傳統銀行戶口綁 FPS ID。
各銀行公司戶口嘅 FPS 轉出／收款收費（滙豐、恒生、中銀、渣打每筆轉出港幣 $5 起，ZA Bank 港幣 $1、livi 港幣 $3，Aspire 免費）可以睇公司戶口轉數快收費比較。轉數快服務嘅官方說明可以參考香港銀行同業結算有限公司 FPS 官方網站。
🧡 Aspire 公司戶口：開戶後存 HK$6,000 賺 HK$1,500 現金回贈
經 Miss Card 卡小姐專屬申請連結 網上申請 Aspire 公司戶口，登記開戶及成功批核後，在 30 天內存入 HK$6,000 或以上並連續維持 2 個月，即可獲得 HK$1,500 現金回贈👇
👉 立即免費開戶｜睇迎新優惠- 🎁 新客戶迎新：30 天內存入 HK$6,000 或以上並連續維持 2 個月 → HK$1,500 現金回贈
- 🏦 不設開戶押金及最低存款，全程網上申請
- 💳 附送企業 Visa 公司卡，配合開支管理功能
- 🌏 多貨幣商業賬戶，支援本地及國際收付款
- 🔗 可連接 Xero、QuickBooks 等會計系統
⚠️ 優惠只限 Aspire 新客戶，申請時請關掉 AdBlocker、避免無痕模式，以免影響優惠追蹤。
👉 經 Miss Card 連結申請｜賺 HK$1,500 現金回贈📌 優惠及條款會不定期更新，一切以官方申請頁面最新顯示為準。
八達通收款：商用版八達通 App 收 1.5%
好多人以為八達通只係實體舖用，其實商用版八達通 App 都可以做網店收款：官方寫明網店商戶可以製作收款二維碼、電子收款展示牌或者付款連結，畀客人掃描或者撳連結付款。
收費方面，商用版八達通 App 唔係每筆交易扣錢，而係將收款轉去銀行賬戶時收「銀行賬戶資金轉賬費」：非交通行業係轉賬金額嘅 1.5%，如果 1.5% 少過港幣 $1 就收港幣 $1。八達通另有限時推廣：新開戶商戶首 6 個月豁免轉賬費、之後享 1.3% 優惠轉賬費（現有八達通商戶唔適用；屬限時推廣，以官方條款為準）。收款會經轉數快 24 小時即時轉去你預設嘅銀行戶口。
要留意交易限額：普通「八達通商用賬戶」每年交易限額港幣 $200 萬，「商用賬戶 Plus」就冇年度上限。網店平均每月營業額超過大約港幣 $16.7 萬，一年就會頂到 $200 萬，到時要升 Plus。八達通最啱本地街坊客、細額訂單（例如港幣 $50–$300 嘅零食、文具），對海外客就冇用。
AlipayHK、WeChat Pay、PayMe：電子錢包收 1%–1.5%
電子錢包係信用卡同 FPS 之間嘅中間選擇：比卡平，又比 FPS 自動。三大錢包收費如下：
- PayMe for Business：PayMe 官方商戶頁寫明，用 App 收款（PayCode、PayLink）每筆 1.2%；經 API 整合網站或用 POS 收款就係 1.5%。收款轉去銀行免費，但要先有滙豐商務「網上理財」戶口。
- WeChat Pay：經 Airwallex 收單，費用表列明 WeChat Pay 付款方式費 1.00%，加每筆港幣 $2.00 閘道費。即係一張港幣 $200 嘅單成本係 $2 + $2 = 港幣 $4（2%）；單價越細，固定費佔比越高。
- AlipayHK／支付寶：AlipayHK 中小企收款頁話網店可以經指定收款平台開通線上收款，同時收到內地支付寶用戶嘅款項，但官方頁冇公開劃一嘅標準費率。經 Airwallex 收就係每筆港幣 $2.00 加付款方式費，實際費率以帳戶內報價為準。
點揀？客群以本地後生為主，PayMe 1.2% 係錢包入面最平；做內地客、大灣區客，就一定要開 WeChat Pay 同支付寶。如果唔想逐個錢包申請，用一個收款閘道一次過開通係最慳時間嘅做法。
PayPal 收款：海外客最方便，但手續費最貴
PayPal 喺海外買家心目中信任度高，做外國客嘅網店多數都會開。根據 PayPal 香港商戶收費頁：
- 本地商業交易：3.90% + 固定費（港幣收款每筆港幣 $2.35、美元每筆 US$0.30）
- 國際交易：再加 0.50%，即係 4.40% + 固定費
- 將收到嘅外幣換成港幣：匯率之上加 3.00%
- 提款去本地銀行：港幣 $1,000 或以上免費，少過 $1,000 每次港幣 $3.50；即時轉帳收 1%（最少 $10、最多 $100）
計一計：一張 US$100 嘅海外單，PayPal 收 4.40% + US$0.30 = US$4.70，如果再換做港幣，又要畀 3% 匯價差，總成本大約 7.6%。所以 PayPal 適合「客人堅持要用 PayPal」嘅情況，唔好當主力。收美金嘅更平做法（例如用 Airwallex 或 Aspire 美元戶口直接收），可以睇 Freelancer 收海外款比較。
貨到付款：客人最放心，但要計埋拒收成本
貨到付款（COD）即係速遞員送貨時代你收錢，之後再轉畀你。香港主要速遞公司都有「代收貨款」增值服務，但收費多數係按商戶合約報價，冇公開劃一價目，要直接向速遞公司查詢。
COD 嘅好處係第一次幫襯嘅客會放心落單；壞處有三個：一係客人可以拒收，你要畀來回運費；二係錢要過幾日先轉返畀你，現金流慢；三係速遞員收現金或者 FPS，對數一樣麻煩。卡小姐建議只係對高單價（例如港幣 $1,000 以上）、新客先開 COD，熟客就引導用 FPS 或者電子錢包。
實例計數：每月營業額 HK$50,000，揀邊種收款最抵？
假設一間本地網店每月營業額港幣 $50,000，共 250 張單，平均每張港幣 $200，全部係本地客。用唔同方法收晒成個月嘅錢，手續費係咁：
| 收款方法（全部單都用佢收） | 計法 | 每月手續費 | 一年 |
|---|---|---|---|
| FPS 入公司戶口 | 收款免費 | 港幣 $0 | 港幣 $0 |
| PayMe for Business App | $50,000 × 1.2% | 港幣 $600 | 港幣 $7,200 |
| 商用版八達通 App | $50,000 × 1.5% | 港幣 $750 | 港幣 $9,000 |
| WeChat Pay（經 Airwallex） | $50,000 × 1.00% + 250 × $2.00 | 港幣 $1,000 | 港幣 $12,000 |
| 信用卡（Airwallex 本地卡） | $50,000 × 3.30% + 250 × $2.35 | 港幣 $2,237.5 | 港幣 $26,850 |
| PayPal 本地交易 | $50,000 × 3.90% + 250 × $2.35 | 港幣 $2,537.5 | 港幣 $30,450 |
全部用信用卡收，一年手續費差唔多等於 半個月營業額。但現實係唔會有網店只收 FPS——有啲客冇卡唔買、有啲客唔肯過數。比較實際嘅做法係混合收款：
- 一半營業額（$25,000、125 單）用信用卡：$25,000 × 3.30% + 125 × $2.35 = 港幣 $1,118.75
- 三成（$15,000）用 FPS 入公司戶口：港幣 $0
- 兩成（$10,000）用 PayMe for Business App：$10,000 × 1.2% = 港幣 $120
合共每月港幣 $1,238.75，比全收信用卡（$2,237.5）每月慳 港幣 $998.75，一年慳大約港幣 $11,985。做法好簡單：結帳頁將 FPS 放第一位，再加一句「FPS 付款即日安排出貨」，好多客自然會揀最平嗰個。
💼 Airwallex 公司戶口：免開戶費、免最低結餘
經 Miss Card 卡小姐專屬申請連結 網上免費申請 Airwallex 企業帳戶，一個戶口集中管理多種貨幣、換匯同跨境匯款👇
👉 立即免費申請公司戶口- 🏦 香港企業帳戶不設開戶費，亦冇最低結餘要求
- 🌏 開立本地貨幣帳戶，收取超過 20 種貨幣款項
- 💱 按銀行同業匯率換匯，向超過 150 個國家／地區轉帳
- 💳 一開戶即可免費開立雲匯 Visa 公司卡，0% 海外簽帳手續費
- 🔗 可同步 Xero 等會計軟件
⚠️ 申請時請關掉 AdBlocker、避免無痕模式，以免影響連結追蹤。
👉 經 Miss Card 連結免費開戶📌 優惠及條款會不定期更新，一切以官方申請頁面最新顯示為準。
網店唔同階段，收款方法點揀？
卡小姐按網店規模，建議咁樣配：
- 起步期（每月 50 單以下、IG／WhatsApp 落單）：FPS 入公司戶口做主力，加 PayMe for Business 或者商用版八達通 App 做後備。固定成本 $0，對數仲應付到。記住用公司戶口收，唔好用私人戶口收生意錢，報稅同對數都清楚好多。
- 成長期（每月 50–300 單、有自己網站）：開一個收款閘道收信用卡、Apple Pay、WeChat Pay 同支付寶，FPS 保留做「最平選項」。呢個階段開始落廣告，廣告費用公司卡簽會方便好多，邊張卡簽 Facebook／Google 廣告最抵可以睇廣告費信用卡推薦。
- 跨境期（有海外客、收美元）：信用卡收單加開外幣結算，PayPal 只作補充。外幣直接留喺多幣種戶口、需要時先換，可以避開 PayPal 3% 嘅換匯差價。
收完錢放邊度？網店公司戶口點揀
無論用邊種收款方法，錢最終都要落一個公司戶口。網店老闆最常見嘅兩個選擇：
- Airwallex：一個戶口包埋收款閘道（信用卡、WeChat Pay、支付寶、FPS）、多幣種戶口同 Visa 公司卡。開戶費 $0、Explore 方案月費 $0，換匯低至銀行同業匯率 +0.2%。限有商業登記嘅公司、獨資或合夥業務申請，個人冇 BR 開唔到。開戶流程同文件可以睇 Airwallex 開戶教學，公司卡實測就睇 Airwallex 雲匯 Visa 卡好唔好。想入貨、買廣告都用外幣簽，可以加開 Airwallex Visa 公司卡，海外簽帳手續費 0%。
- Aspire：本身唔做收單，但 FPS 收付全免、13 種貨幣、公司卡合資格簽帳有 1.2% 現金回贈，適合「FPS 收款為主＋經常要付錢畀供應商」嘅網店。品牌迎新係開戶 30 日內存入港幣 $6,000 或以上、連續維持 2 個月，可得港幣 $1,500 現金回贈（只限新客，以官方條款為準）。詳細評價睇 Aspire 評價，收費睇 Aspire 收費，申請可以經 Aspire 開戶連結。
要留意，Aspire 同 Airwallex 都係持牌金錢服務經營者，唔受存款保障計劃保障（銀行存款每人每間銀行保障上限港幣 $80 萬）。大額儲備放傳統銀行、日常收款放 Aspire／Airwallex，係好多網店老闆嘅做法。傳統銀行、虛擬銀行同 Aspire／Airwallex 一表比較，可以睇公司戶口邊間好。
🧡 Aspire 公司戶口：開戶後存 HK$6,000 賺 HK$1,500 現金回贈
經 Miss Card 卡小姐專屬申請連結 網上申請 Aspire 公司戶口，登記開戶及成功批核後，在 30 天內存入 HK$6,000 或以上並連續維持 2 個月，即可獲得 HK$1,500 現金回贈👇
👉 立即免費開戶｜睇迎新優惠- 🎁 新客戶迎新：30 天內存入 HK$6,000 或以上並連續維持 2 個月 → HK$1,500 現金回贈
- 🏦 不設開戶押金及最低存款，全程網上申請
- 💳 附送企業 Visa 公司卡，配合開支管理功能
- 🌏 多貨幣商業賬戶，支援本地及國際收付款
- 🔗 可連接 Xero、QuickBooks 等會計系統
⚠️ 優惠只限 Aspire 新客戶，申請時請關掉 AdBlocker、避免無痕模式，以免影響優惠追蹤。
👉 經 Miss Card 連結申請｜賺 HK$1,500 現金回贈📌 優惠及條款會不定期更新，一切以官方申請頁面最新顯示為準。
常見問題 FAQ
1. 網店收款邊種方法手續費最平？
FPS 轉數快直接入公司戶口最平，大部分銀行同 Aspire 收款都係 $0。其次係電子錢包：PayMe for Business App 1.2%、商用版八達通 App 1.5%。信用卡要 3.3%–3.9% 加每筆港幣 $2.35，PayPal 本地交易 3.90% 加港幣 $2.35 最貴。
2. 一張港幣 $200 嘅單，用信用卡收要畀幾多手續費？
經 Airwallex 收本地卡：$200 × 3.30% + $2.35 = 港幣 $8.95（約 4.5%）。同一張單用 PayPal 收：$200 × 3.90% + $2.35 = 港幣 $10.15；用 PayMe for Business App 收就只係港幣 $2.40。
3. 商用版八達通 App 收網店錢要幾多錢？
非交通行業係轉賬去銀行時收 1.5%（最少港幣 $1），即係收港幣 $10,000 要畀港幣 $150。新商戶另有限時推廣：首 6 個月豁免、之後 1.3%（以官方條款為準）。普通商用賬戶每年交易上限港幣 $200 萬，超過要升 Plus 賬戶。
4. 用 Aspire 收 FPS 可唔可以用電話號碼？
唔可以。Aspire 嘅 FPS 收款只支援戶口號碼（銀行編號 016），唔支援手機號碼、電郵或 FPS ID，但收款同轉出都係 $0。單筆 FPS 轉出上限港幣 $1,000 萬。開戶詳情可以睇 Aspire 開戶教學。
5. PayPal 收到嘅錢提去香港銀行要唔要錢？
港幣結餘提去本地銀行，每次港幣 $1,000 或以上免費，少過 $1,000 每次收港幣 $3.50。如果結餘係美元要換港幣，PayPal 會喺匯率之上加 3.00%，例如 US$1,000 換港幣就蝕大約 US$30。
6. 用 Shopify 開店，唔用 Shopify Payments 會點？
Basic 方案用第三方收款閘道，每單要另付 2% 第三方交易費。例如每月營業額港幣 $50,000，就要多畀港幣 $1,000，仲未計閘道本身嘅收費。
7. 冇商業登記可唔可以開 Airwallex 收網店錢？
唔可以。Airwallex 香港戶口只接受有限公司、獨資同合夥業務，個人冇 BR 開唔到。辦一個獨資商業登記之後就可以申請，開戶費 $0、Explore 方案月費 $0，文件齊全一般 1–3 個工作天批核。
發佈留言