Miss Card 卡小姐

想開 Webull戶口買美股港股，但唔知要準備咩、幾多步、審核要幾耐？呢篇卡小姐一步步教你 Webull 開戶流程，由資格、文件到入金交易，新手跟住做就得。

Webull 開戶資格與所需文件

開 Webull 戶口嘅基本條件同準備：

• 年齡：年滿 18 歲或以上。
• 身份：香港居民（持香港身份證）或持有效海外護照人士。
• 文件：有效身份證明文件（香港身份證／護照），並須提供三個月內發出嘅地址證明；如屬香港非永久居民，另需第二身份證明文件（例如護照、往來港澳通行證等）。
• 銀行戶口：一個你本人同名嘅香港銀行戶口，用嚟綁定同入金（切勿用他人戶口）。

想了解平台是否安全先，可睇 Webull 安全嗎；平台整體評測見 Webull 好唔好。

Webull 開戶步驟：幾步搞掂

整個開戶流程全線上完成，主要分以下幾步：

• 第 1 步：喺 App Store／Google Play 下載官方 Webull App（或去 http://www.webull.hk）。
• 第 2 步：用電話號碼／電郵註冊帳戶。
• 第 3 步：填寫個人資料、上載身份證明同地址證明、填寫就業與財務資料、完成風險評估同認證。
• 第 4 步：進行身份認證——綁定你本人同名嘅香港銀行卡，並轉帳不少於 HK$10,000（或 10,000 離岸人民幣／US$1,300）至 Webull 收款帳戶，資金到帳後即可完成身份認證。
• 第 5 步：完成簽名並提交開戶申請，等待審核（一般 1～2 個工作日內完成）。

換言之，首筆不少於 HK$10,000 嘅同名銀行轉帳，本身就係完成開戶（身份認證）嘅必經步驟，唔係批核之後先做。經 Miss Card 專屬連結開戶，仲可以拎迎新獎賞。

開戶後點入金開始交易？

完成上述身份認證轉帳、戶口批核後，資金就會存入你嘅 Webull 帳戶，可以開始買賣；日後再入金亦同樣操作：

• 由你本人同名香港銀行戶口轉帳入 Webull 指定收款帳戶（支援 eDDA、轉數快 FPS、網銀／櫃檯匯款）。
• 資金結算後會顯示喺你嘅 Webull 證券帳戶。
• 之後就可以買賣美股、港股、期權、基金等。

詳細入金／出金方法、需時同門檻，見 Webull 入金出金教學；收費詳情見 Webull 收費全解析。

身份認證轉帳可以用邊間銀行？

官方支援 eDDA 授權嘅銀行包括恒生銀行、香港上海滙豐銀行、中國銀行(香港)、渣打銀行、招商永隆銀行、螞蟻銀行(香港)等；用滙豐等支援即時授權嘅銀行，會收到銀行發出嘅短信驗證碼完成授權。若揀網銀／櫃檯匯款，收款銀行戶口為招商永隆銀行，務必核對清楚匯款資料，填錯有機會被拒絕，退款需時約兩星期。

Webull 開戶審核要幾耐？

一般情況下，網上提交資料齊全、認證順利，Webull 團隊會喺 1～2 個工作日內完成審核。如果遇到資料不清、身份核實需要補件等情況，時間會拉長。想快啲批核：

• 上載清晰、未過期嘅身份證明文件。
• 填寫資料同證件一致。
• 留意 App 通知，如需補件盡快處理。

Webull 開戶常見問題（拒批原因）

常見令開戶唔順利嘅原因，包括：證件模糊或過期、資料同證件不符、地址證明超過三個月、未完成風險評估、或未通過身份核實。只要按指示補回正確資料，一般都可以解決。開戶前記得認住官方域名 http://www.webull.hk，避免假冒網站。

常見問題 FAQ

Q1：Webull 開戶收唔收費？
開戶本身唔收費，美股港股交易亦為 0 佣金 0 平台費（標準收費）。

Q2：開戶要幾耐？
提交資料齊全並完成身份認證轉帳後，Webull 團隊一般 1～2 個工作日內完成審核，視乎個別情況。

Q3：一定要有香港銀行戶口嗎？
係，開戶身份認證需要綁定你本人同名香港銀行戶口，並首筆轉帳不少於 HK$10,000（或等值）先可完成開戶。

Q4：開戶有冇迎新獎賞？
有，即日起經指定連結開戶入金，最高可享 HK$100,000 現金券（須達指定累計淨入資產門檻，分期發放），優惠期以官方及最新公佈為準，詳見 Webull 開戶優惠攻略。

Q5：官方網站係邊個？
香港官方網站係 www.webull.hk，App 由官方商店下載。

Q6：eDDA、轉數快、網銀轉帳三種入金方式有咩分別？
eDDA 授權後由銀行自動扣款，支援銀行包括滙豐等，部分銀行可即時授權；轉數快 FPS 需用你本人同名戶口，經網上銀行填寫收款識別碼轉帳；網銀／櫃檯匯款收款戶口為招商永隆銀行，需自行填寫存入金額並上傳匯款憑證，資料填錯可能延誤退款。

投資涉及風險，證券價格可升可跌，過去表現並不代表將來表現。本文只作一般資訊用途，並非投資建議。開戶要求以 Webull 官方最新公佈為準。